Min favorittstad

Av alle stadar eg var reist til og sett, er det få som kan måla seg med idyllen på heimstaden min, Ritland. Ritland er eit lite område som ligg nesten midt mellom Sand og Suldalsosen i Suldal kommune. Ingen stad er vakrare, meir inspirerande eller meir avslappande enn staden eg kjem frå, ein tidlig morgon, når morgondisen ligg som eit tynt teppe over beita våre der kyrne beitar. Nokon av dei et, nokon søv, mens nokon står klar ved grinda og ventar på å få sleppa inn i fjøset for deira daglege morgonpleie. Til vanleg er eg ikkje ein morgonfugl, men når eg trekker mitt første pust ute på tunet mens sola så vidt gløtter over austafjella da, da er det ingen plass eg heller ville vore enn akkurat der.

Ritland er eit gardsområde der tre løer og enger omring kvarandre. Vårt bruk ligg i midten av dei tre og sørgjer for at den landligge idyllen strekk seg langt forbi vår eiga eigedomsgrenser. Her er det rom for både vaksne og barn til å utfolde seg og halde på med dei aktivitetar ein måtte ynskje.